En memoria da la fundaziun da la Confederaziun svizra ha la fundaziun "PRO PATRIA dun svizzer da la festa naziunala" l’intent da promover e da realisar collectas a favur d’ovras svizras culturalas e socialas. 

Cun agid da las collectas e da las donaziuns retschavidas mussa la fundaziun activamain sia solidaritad envers la Svizra, ses abitants, sia cultura e sia cuntrada sco er envers persunas ed instituziuns che ston vegnir sustegnidas u promovidas e che na survegnan nagin u memia pauc sustegn d’autras varts.
balken_sammlung

Promoziun da projects – qualitad e solidaritad

Pro Patria sustegna projects sin il sectur da la tgira da la cultura, dal maletg dal lieu, da la cuntrada e da monuments. Plinavant dispona ella d'in fond per agid social intenziunà. La fundaziun Pro Patria surdat las contribuziuns tenor criteris definids precisamain. Mintga dumonda vegn examinada areguard sia qualitad. Sche necessari vegnan consultads ils posts spezialisads cumpetents dals chantuns u da la Confederaziun.
 
Per eleger ils projects che vegnan promovids vegn dà bada ch'els sajan d'interess general e destinads ad ina gronda part da la populaziun.

Contribuziuns che servan exclusivamain ad interess da persunas singulas na vegnan betg concedidas. Ultra da la qualitad d'in project è d'impurtanza era la solidaritad da collecta en la regiun favurisada. Regiuns che participeschan activamain a las collectas da Pro Patria vegnan perquai resguardadas privilegiadamain.

Attention: open in a new window. PrintE-mail