En memoria da la fundaziun da la Confederaziun svizra ha la fundaziun "PRO PATRIA dun svizzer da la festa naziunala" l’intent da promover e da realisar collectas a favur d’ovras svizras culturalas e socialas. 

Cun agid da las collectas e da las donaziuns retschavidas mussa la fundaziun activamain sia solidaritad envers la Svizra, ses abitants, sia cultura e sia cuntrada sco er envers persunas ed instituziuns che ston vegnir sustegnidas u promovidas e che na survegnan nagin u memia pauc sustegn d’autras varts.
balken_stiftung

Pro Patria – in’ovra d’utilitad publica da la populaziun svizra

La fundaziun Pro Patria è resortida dal Comité per la festa naziunala fundà il 1909. Ils resultads da collecta che muntan mintg’onn a var trais milliuns francs resultan dal retgav da la vendita tradiziunala da l’ensaina dal 1. d’avust e da las marcas postalas da Pro Patria popularas.

Millis voluntarias e voluntaris s’engaschan per las collectas en tut las parts dal pajais. Il retgav da las collectas vegn utilisà cunzunt per promover projects en connex cun la tgira da la cultura, però era per intents socials. Pro Patria na vegn betg subvenziunada dal maun public, mabain è in’ovra d’utilitad publica da la populaziun svizra.

Attention: open in a new window. PrintE-mail