balken_stiftung

1891: il 1. d’avust vegn declerà sco festa naziunala

La festa dal 1891 ha gì in tal success ch’il 1. d’avust è gia prest stà fixà en il chalender da las festas svizras. Il 1899 ha il Cussegl federal envidà ils chantuns a tutgar ils zains en tut il pajais. L’organisaziun da la festa era l’emprim però anc chaussa dals chantuns e da las vischnancas. Prest han ins era cumenzà a far ils gronds fieus la saira dal 1. d’avust. Il mitus da l’engirament dal Rütli che ha sias ragischs lunsch en il passà è vegnì rinforzà dal rapport dal Rütli da general Guisan durant la Segunda Guerra mundiala e da la festa da commemoraziun per il giubileum da 650 onns il 1941.
 
Davant questa culissa emoziunala enturn la fin dal 19avel tschientaner han persunalitads patrioticas, motivadas da far insatge d’utilitad publica e dirigidas dal commerziant songagliais Albert Schuster, fundà il 1909 il dun svizzer da la festa naziunala. Lur iniziativa aveva l’intent da dar a la populaziun a maun dad in’acziun cuminaivla in senn pli profund a la festa naziunala. La collecta annuala a chaschun da la festa naziunala dueva promover la solidaritad en il pajais. Ils fundaturs dal Comité per la festa naziunala han circumscrit lur finamira suandantamain: "Mintgin, er il burgais modest, duai avair la pussaivladad da contribuir il 1. d’avust insatge pauc a l’utilitad publica naziunala".

Attention: open in a new window. PrintE-mail