Cuntinuà cun la campagna:
trais novs motivs impressiunants ed in spot da radio

Gist cun trais novs motivs da placats e cun in spot da radio lantscha la Pro Patria la segunda unda da sia campagna per mantegnair las cuntradas natiralas e cultivadas preziusas da la Svizra.

Inscenads a moda magnifica sa preschentan quella giada la punt en Val d'Avras, il Teatro Sociale a Bellinzona e la chaplutta da Son Gieri a Berschis. Remartgabel è che mintga singul object cultural intganta il contemplader cun si'atmosfera unica.

La campagna permetta era questa giada a mintga amatur da la cultura da daventar cun ina donaziun a partir da 5 francs cumpossessur dad in dals objects.

Il spot da radio percunter prenda en il focus il plaschair d'ina nova cumpossessura dal chastè episcopal da Leuk. Cun ina tschegnada ans descriva in raquintader a l'entschatta l'atmosfera singulara dal chastè - e tuttenina aud'ins in sbratg d'allegria d'ina giuvna dunna che excloma „Finalmain meeeeeeeeeeees". In spot che fa surrir.


- Die Sujets
[Download PDF 1] >>
[Download PDF 2] >>

- Radio-Spots
[Download MP3 deutsch] >>
[Download MP3 französisch] >>


CP 80-17186-9